sru:version: 1.2; sru:query: fcs.rf="mecmua.1_74"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_74"; sru:baseUrl: ; fcs:returnedRecords: 1; fcs:duration: PT0.025S PT0.032S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_74</phrase></query>)];

270 Cāme‑i Yūsufdan aldı çünki bū
Ṣaldı ebnāsın ėdeler cüst u cū

271 Anı tesfīh eyledi oġulları
Kūy‑i vaṣla ėrdi āḫir yolları

272 Dėdi cān kim ṣoḥbet‑i dīrīn içün
Söylemezsin şemsden aṣlā niçün

273 Ḫandeler qılsun zemīn ü āsümān
Eyle Şemseddīnden şerḥ ü beyān

274 Qūt u quvvetdür anuñ keyfīyeti
Rūḥ u ʿaql u çeşme beẕl ėt niʿmeti

275 Çünki qāle gelmez ol dėdüm aña
Lā‑tukallifnī fa-innī fĭ l‑fanā

276 Eyleme teklīf anı qılma cefā
Kallat afhāmī fa‑lā uḥṣī ṯanā

277 Ehl‑i hālüñ sırrı ḥālidür refīq
In takallafa aw taṣallafa lā yulīq

278 Ki ḫaṭā‑yi münkir olur fĭ ṭ‑ṭarīq
Kullu šayʾin qālahū ġayru l‑mufīq

279 Cān u dilde yoq ifāqat ẕerrece
Vaṣf olur‑mı ḥāl‑i ʿāşıq böylece

280 Şerḥini işbu firāq u miḥnetüñ
Şimdi terk ėt bir daḫı yoq minnetüñ

281 ʿÖẕrümi cān ėtmedi her giz qabūl
Dėdi “aṭʿim ǧiyāʿahū!” ol ʿacūl

282 Ḫayrı teʾḫīr eyleme eyle ʿacel
Ėrmedin şol hādimü l‑leẕẕāt ecel

283 Ḏāka bayna n‑nāsi qawlun šāyiʿun [!]
Fa‑ʿtaǧil fa‑l‑waqtu sayfun qāṭiʿun

284 İbn‑i vaqt olmaq gerekdür sālikūn
Fikr‑i ferdā eyleyenler hālikūn

285 Deʾb‑i ṣūfī bu degüldür ey fetā
Tā ki yarınki güni ʿömre qata

286 Ṣūfĭ‑i ṣāfī degülsin şöyle var
Kim bugün yarın qılursın iʿtibār

287 Nesiye ferdā yoġ ėder heb varuñı
İbn‑i vaqt ol bāda vėrme ʿāruñı

288 Cān ėdüb bu vechle baña ʿıtāb
Vėrdüm aña ben‑de bu yüzden cevāb

289 Sırr‑i yār‑i setr‑i qalmū[n] ḫūbdur
Remz ü iḫfā ḫoşca bir üslūbdur

290 Qıṣṣa ḫod ḥiṣṣedür aṣl‑i murād
Sāmiʿ ol ėtme cidāl‑ile ʿinād